اخبار الرياضة

تعليق صادم من أمير مرتضى منصور على بطولات الأهلي: «مبيحصلهوش حاجة»

القاهرة - ياسر ابراهيم - الاثنين 1 أبريل 2024 03:41 مساءً - أكد أمير مرتضى منصور المشرف السابق على الكرة بنادي الزمالك، أنه قادر على الفوز برئاسة القلعة البيضاء حال نزوله على هذا المقعد في الانتخابات حتى لو كان منافسه أحمد حسام ميدو نجم الفارس الأبيض السابق.

وقال أمير مرتضى عبر قناة النهار ردًا على سؤال هل ميدو هيبقى أصغر رئيس نادي الزمالك؟: "لو أنا مقررتش أبقى أصغر رئيس نادي في الزمالك هسبقه لأني أصغر منه.. أنا عندي القدرة أدير نادي الزمالك بس معنديش الرغبة ولو ميدو نزل أنا هنزل.. وميدو مش عضو في النادي أصلا ولو نزلنا قصاد بعض أنا هكسبه وأعرف أوقعه ومعنديش مشكلة أشتغل معاه".

وأضاف أمير مرتضى منصور: "مفيش مقارنة بيني وبين سيد عبد الحفيظ.. أنا كنت مشرف على الكرة زيي زي الكابتن محمود الخطيب.. هما الاتنين أنجح مني.. أنا اللي كان معايا الميزانية وبختار اللبس والمدير الفني وماسك العقوبات والمكافآت والتقييم وعقود الرعاية".

وعن حصد النادي الأهلي للألقاب والبطولات باستمرار، قال المشرف العام السابق على الكرة بالزمالك: "مصر حصل فيها كام ثورة والأهلي مبيحصلهوش حاجة.. لا بيتأثر بكورونا ولا أزمة أوكرانية ولا بعقود لاعيبة ولا بلاعيبة اتصابت الكورة بتاعة العارضة بتاعة زيزو في نهائي القرن وجول أفشة.. في حاجة غلط".

Advertisements

قد تقرأ أيضا