القاهرة - أماني محمد - الثلاثاء 30 يوليو 2024 07:02 مساءً - كشف الدكتور مصطفى مدبولي رئيس الوزراء، عن واقعة غريبة مع بعض أعضاء مجلس النواب منتقدي الطرق والكباري.

طلبات النواب والهجوم على كثرة الطرق والكباري

وقال مدبولي خلال المؤتمر الصحفي الذي عقد منذ قليل بمدينة العلمين الجديدة: "دائما يثار حديث كفاية بقى طرق وكباري، أقسم بالله بعض النواب يقفوا ويتكلموا الكلام ده ويروح نازل للحكومة ويقول الكباري اللي عندي في الدائرة لازم تخلصوها لي، هو في الآخر جزء من احتياجات المواطن".

وأضاف: "المواطن النهاردة لما مش لاقي طريق يعبر به الترعة ولا الرشاح ولا المصرف ومضطر يستخدم معدية وإحنا عارفين ظروف المعديات ويحصل حادثة ما هو طبعا محتاج يبقى فيه كوبري، لولا شبكات الطرق مكنش فيه مستثمر هيجي البلد".

البنية التحتية في عيون المستثمر

وتابع: "اللي عايز يستثمر بيبص على حجم البنية التحتية في أي بلد شكلها عامل إزاي وهل هتبقى قادرة على الوفاء باحتياجاته ولا لأ من مياه وكهرباء وصرف صحي وصرف صناعي وطرق وشبكات ولا لأ، البنية الأساسية شيء مهم جدا".

البنية التحتية قبل 2014

ولفت: "خلونا نقيس قبل 2014 البنية الأساسية كانت عاملة إزاي والنهاردة بقينا عاملين إزاي، لا كان عندي شبكات كهرباء ولا قدرات توليد ولا أجيب موارد بترولية أشغل المحطات النهاردة عندنا شبكة والقدرات ولكن بسبب الأزمة الاقتصادية مبقتش قادر أجيب الوقود اللي يشغل المحطات وعندنا الإمكانيات نوفر أكبر قدر من الطاقة والمستثمر عارف إن الأزمة دي مؤقتة وهنعديها".
 

ونقدم لكم من خلال موقع (كلمتك)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.