القاهرة - أماني محمد - الأحد 2 يوليو 2023 01:09 صباحاً - علي الحجار، قال الفنان علي الحجار: "أخويا أحمد الحجار قبل لما يتوفى ما كانش مريض، ومات وهو بيتفرج على ماتش بلياردو على اللاب توب، وحاطط جنبه كوباية الشاي".
اللحظات الأخيرة في حياة أحمد الحجار
وأضاف خلال لقائه ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "في اليوم اللي توفي فيه أحمد الحجار كان عيد ميلاد ابنه عصام، وكان مواعدهم إنه جايب تورتاية، وهيروح يقابل أسرته علشان يحتفلوا بعيد الميلاد واتأخر عليهم، وقتها عصام ابنه قلق عليه، وراح له البيت دخل لقى التورتاية، وبيتفرج على الماتش وجنبه كوباية الشاش ومتوفى، فهو أحمد أخويا ضحك علينا في وفاته".
Advertisements
لحظة وفاة أحمد الحجار
وتابع: "أحمد الحجار ما راحش لأي طبيب في حياته ما عدا طبيب الأسنان، وعمره ما اشتكى من أي مشكلة صحية، وكانت صحته كويسة، وما بيشتكيش من الدنيا اللي ظلمته وراضي جدًّا جدًّا، الوضع اللي حصل من متغيرات كتيرة في فن الأغنية والدراما التليفزيونية والمسرح، ظلمه".
مشكلة الأعمال الدرامية
وأكمل: "بنخاف نفرج ولادنا الصغيرين، وأنا عندي جنى 13 سنة ويوسف 19 سنة، أصغر اتنين بخاف أفرجهم على مسلسلات تعلمهم أفكار مش مظبوطة بتتكلم عن التفكك الأسري، والإخوات بيحاولوا يقتلوا بعض، والأولاد بيتاجروا في المخدرات وبيشربوا، مصر مش بتاعت كل العنف ده".
شخصية أحمد الحجار
ولفتت: "أحمد الحجار مكنش متكالب إنه يطلع في التليفزيون أو يعمل أحاديث صحفية، ومكنش عنده ذكاء اجتماعي ومسالم بزيادة وقافل على نفسه، بس كان اجتماعي وابن نكتة، وعمار الشريعي كان بيقول لي أحمد الحجار الوحيد اللى بعمل له حساب، كان ملحن مهم ومخزونه كبير، وقطعيته هو والكبار مخزونهم لحد لما ماتوا عندهم جديد".
مسرحيات علي الحجار
وأشار: "أنا عملت 33 مسرحية وأحمد الحجار عمل لي فيهم أغاني كتير، وكان بيعطي للممثلين على مساحة صوتهم ويطلعهم كويسين".
وتابع: "أحمد الحجار كان طول الوقت راضي وقانع وعايز اللي بيفهموا في ألحانه وفنه".
دعاء إبراهيم الحجار
وأشار: "إبراهيم الحجار ما كانش حاسس إنه اتظلم، ولما كانت الدنيا تضيق بينا ماديًّا كان يقف قدام القبلة، ويقول إن لم يكن بك غضب عليَّ فلا أبالي".
ونقدم لكم من خلال موقع (كلمتك)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
