القاهرة - ياسر ابراهيم - الثلاثاء 8 أكتوبر 2024 11:44 صباحاً - إيهاب توفيق.. تصدر الفنان إيهاب توفيق محرك البحث جوجل، وذلك بعد اتهامه بالنصب بعد قيامه ببيع فلته مرتين.

ونستعرض خلال السطور التالية تفاصيل اتهام الفنان إيهاب توفيق بالنصب.

اتهام إيهاب توفيق بالنصب

في البداية تفاجأ متابعي مواقع التواصل الاجتماعي، بمنشور لأحد الأشخاص بتاريخ 4 أكتوبر، اتهم فيه إيهاب توفيق، بالنصب عليه، ببيع فيلته مرتين، وانتشر هذا المنشور بشكل واسع.

وجاء مضمون المنشور، كما يلي: «استغاثه…عندنا مشكله مع النجم إيهاب توفيق ومحتاجين دعم منكم.. مطلوب إننا نوصل المشكلة لكل المواقع الإخبارية يمكن نوصل لحل معاه.. اعملوا منشن لأى حد تعرفوه واعملوا شير في كل مكان لو سمحتم كلها محاولات واكيد الخير عند ربنا».

وتابع، في المنشور: «ملخص المشكلة اشترينا فيلا من إيهاب توفيق ومش عارفين نبيعها.. عشان في مشاكل في الورق وإحنا محتاجين نبيع الفيلا جدا الفترة ديه.. إيهاب توفيق باع الفيلا مرتين.. مرة باعها لنا في 2015.. ومرة باعها لوالده في 2019، وأرفق الشخص منشوره بمستندات موضحة على النحو التالي:

إيهاب توفيق يرد على اتهامه بالنصب

وخرجت الصفحة الرسمية للفنان إيهاب توفيق، أمس الأحد 6 أكتوبر، لترد على المنشور السابق، بنشر مقطع فيديو لشاهد عيان، مسوق عقاري يدعى عبده الجيوشي، قال فيه إنه منذ قرابة الـ 10 سنوات طلب منه الفنان بيع فيلته وبعدها أحضر المشتري الذي طلب تخفيض 500 ألف جنيه من سعر الفيلا.

وتابع «الجيوشي» في الفيديو المنشور على صفحة إيهاب توفيق، إنه تم الاتفاق على أن «إيهاب» سيخفض له 500 ألف مقابل إنه يبيع الفيلا، والمكسب سيتم تقسيمه بالنصف بينهما، مشيرًا إلى أنه بعد ذلك فؤجئ الفنان إيهاب توفيق بأن المشتري لم يوفِ بوعده، نافيا تهمة النصب على هؤلاء الأشخاص».

رد المدعي على تصريحات إيهاب توفيق

وخرج الشخص المدعي على إيهاب توفيق بـ النصب، بمنشور جديد مساء اليوم الإثنين 7 أكتوبر، أكد من خلاله أنه قبل رد الفنان بيوم، تواصل معه المسوق العقاري عبده الجيوشي، وعرض عليه الحل الودي، قبل أن يتفاجئ بالفيديو المنشور «سالف الذكر» مبرهنًا على كلامه بصور محادثته مع المسوق العقاري «الوسيط».

وجاء في مضمون المنشور: «عزيزي الأستاذ إيهاب توفيق.. رسالة من القلب.. ونقسم بالله إنها من القلب.. الصور المرسلة رسالة بعتها يوم السبت الصبح لصديقك عبده الجيوشي.. يا نجم كفاية غرور وكبر، الموضوع عمال يكبر وهيكبر أكتر وأكتر احنا مفيش مشكلة عندنا مفيش حد يعرفنا المشكلة عندك أنت.. أنا بعت لك مع عبده الجيوشي قبل ما ننزل أي حاجة.. وقلتله خلينا نقعد ونحل الموضوع ودي، راح عملي فيديو إني نصاب، ما علينا ولا يهمك حاجة».

وتابع: «ونزعنا ما في قلوبهم من غل وسواد.. بنمد إيدينا بالسلام بنمد إيدينا بالصلح والمطلوب منك حاجه طبيعية ومنطقية.. ترجع الحق … احتمال كبير يكون حصل غلط أو سوء تفاهم أو حد وصلك كلام.. الله أعلم.. بنلتمس لك العذر.. الموضوع كله اعتراف بحقنا ومشوار نص ساعة نخلص كل اللي بيحصل ده.. ولو عايز نقعد في مكتب أي حد من معارفك مش معارفي أنا موافق».

واختتم: «حكم عقلك وتعالى نتصرف بحكمة.. إحنا بقالنا 9 سنين وراك في المحاكم واللي بيتعمل ده بنعمله بعد أن فاض الكيل وطفح … لو سمحت كفاية كدة.. تقريبا أغلب القنوات عايزه تسجل وأغلب المواقع عايزه تعمل حوارات فوق ما تتخيل»، ونوه، قائلًا: «إن شاء الله الموضوع هيخلص بشكل ودي وبتصالح ودي يدي كل واحد حقه.. فكر كويس يا نجم ورقمي معاك ومع كل أصحابك».

اقرأ أيضاً
إيهاب توفيق يتصدر التريند بعد اتهامه بالنصب |تفاصيل

إيهاب توفيق يحيي حفل تكريم أوائل الثانوية العامة والأزهرية «صور»

إيهاب توفيق يستعيد ذكريات التسعينيات في مهرجان القلعة