القاهرة - أماني محمد - الجمعة 2 أغسطس 2024 12:04 صباحاً - قال الفنان أمير شاهين: "أنا اتأخرت جدا في الزواج لأسباب كتير لأني أصلا كنت ضد فكرة الارتباط لعدم التقيد، وطول عمري كنت شايف الموضوع أنه تقيد".

سر رفض أمير شاهين الزواج في البداية 

وأضاف خلال لقائه ببرنامج "شاي بالياسمين" الذي تقدمه ياسمين الخطيب بقناة "النهار": "أي حد من اصحابي كان يقول ليا زمان انا هاتجوز كنت اقوله هو انت مجنون ما احنا مبسوطين، انا كنت ضد الزواج".

رأي أمير شاهين في الزواج بعد دخول المصيدة

وتابع: "دلوقتي بقول الزواج لطيف مش وحش، وفاة ميرنا المهندس عملت لي عقدة وكنت المفروض اتجوزها بس القدر مأمهلناش ومحصلش نصيب وقعدت فترة علشان اتخطى الموضوع ده يمكن سنين".
 

علاقات وقصص حب أمير شاهين

واستكمل: "أنا كان عندي علاقات كتير وقصص حب كتير داخل الوسط الفني وخارجه، وكان فيه فنانة بيني وبينها قصة حب".
 

أمير شاهين يتحدث عن أبنائه

واستطرد: "اللي غير فكرتي عن الجواز الأولاد، دلوقتي عندي مراد سنتين ونص ومريم سنة، إحساس تاني خالص لم خلفت، والعيال الإحساس الوحيد اللي عمري ما كنت أتخيله".

وأكد شقيق إلهام شاهين أنه لو حد من أولادي عندهم الموهبة وعايز يمثل معنديش مشكلة وأرحب جدا بدخولهم عالم التمثيل، بس مراد ابني باين عليه ممثل في نفسه.
 

قصة زواج أمير شاهين

وتابع: "اللي شدني في مراتي منة اننا قعدنا صحاب 10 سنوات قبل الزواج، وكنا بنخرج علطول وفيه بيننا علاقات أسرية وعارف والدتها والعائلة كلها، وفضلنا اصحاب كتير وواخدين على بعض والصداقة تحولت لحب بالصدفة البحتة، وكانت بتشوف معايا صاحبات ليا وكل حاجة وعارفة عني كل حاجة".
 

توبة أمير شاهين من العلاقات المحرمة

واختتم: "مراتي شافت بعنيها كل حاجة عني قبل الزواج وفجأة تحولت صداقتنا الي حب وارتباط، بس أنا توبت من ليلة الدخلة من الهيصة اللي كنت فيه من علاقات ومتقفشتش ولا مرة في أي علاقة ومعاها كل حاجة عني من باسورد الموبايل".

ونقدم لكم من خلال موقع (كلمتك)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية