القاهرة - أماني محمد - الثلاثاء 7 مايو 2024 12:33 صباحاً - ياسمين عبد العزيز، قالت الفنانة ياسمين عبد العزيز: "كنت باخد حقي وحقي اللي مني وده كان سبب قوتي في المنطقة اللي عايشة فيها في المعادي وشهرتي، أنا كنت شقية جدا بس بأدب مبعملش حاجة وحشة، كنت بنط من على السور في المدرسة".
قصة فصل ياسمين عبد العزيز في المدرسة
وأكدت ياسمين عبد العزيز خلال لقائها ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "كنت كل أسبوع بترفد من المدرسة وأمي متعرفش، بس كنت بادخل لوحدي بعد الرفد لإني كنت بعمل مصايب، علشان أنا شايلة مسئولية نفسي وبصرف على نفسي فكانت عندي حتة الاستقلالية".
Advertisements
ياسمين عبد العزيز تحكي قصة طموحها في الصغر
سيارة ياسمين عبد العزيز، وتابعت الفنانة ياسمين عبد العزيز: "أهلي مكنش عندهم عربية فكنت أشوف أهل أصحابي بيودوهم بعربية فحطيت في نفسي إني لازم أحوش فلوس وأشتري عربية، وفتحت دفتر توفير في بنك قريب مننا وكل لما يجيلي فلوس وليكن 1000 جنيه وقعدت أحوش لغاية لما اشتريت أول عربية في حياتي كان سعرها بـ57 ألف جنيه وحطيتهم في شنطة المدرسة وروحت اشتريت العربية".
مسئولية ياسمين عبد العزيز بعد زواج والدها من أخرى
طلاق والدة ياسمين عبد العزيز، وواصلت: "أمي كانت بتتشغل وأبويا انفصل عنها وراح اتجوز، فأنا قلت لها أنا بشتغل وأجيب أكتر منك خلاص اقعدي وانا اللي هصرف علي البيت وحسيت وقتها إني أنا المسئولة خاصة لما أخويا سافر يشتغل برة".
سيارة ياسمين عبد العزيز بعد مشوار الإعلانات
ولفتت:"كنت باروح المدرسة بالعربية مع إنها كانت وراء بيتنا بس الشعور كان مسيطر علي، لما جيت أتجوز كان جوزي بيجي يديني مصروف كنت بارفض لإني اتعودت ادي مش اخد وعندي استقلالية وبقيت انا اللي مسئولة من صغري".
طفولة ياسمين عبد العزيز التي سرقت منها
وأشارت: "تمن المسئولية من صغري أخد كل حاجة من طفولتي وفي فسحة الابتدائي مكنتش باعرف انزل بسبب الشهرة ودي مخلتش عندي حرية في التحرك، انا اصحابي كانوا بيفكروا هياخدوا ساندوتشات ايه للمدرسة وانا كنت بفكر في الإعلانات وليه مخدونيش في الإعلان الفلاني".
ونقدم لكم من خلال موقع (كلمتك)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
