كشفت الفنانة غادة النجار، أرملة الفنان الراحل  وائل نور كواليس آخر أيام قبل وفاته، وذلك بالتزامن مع ذكرى وفاته، في مثل هذا اليوم 2 مايو 2016.

ذكرى وفاة وائل نور 

وقالت غادة النجار في تصريح خاص لـ"كلمتك": “في آخر أيامه كان بيصور مسلسل شقة فيصل وكان مبسوط بالدور وكان حاسس إنه هيعود بشكل تاني لأنه مكنش بيعمل أي عمل وكان بيقبل الأعمال التي تحترم تاريخه، وكان واخدنا معاه يوم التصوير، وكان حاجز لنا فندق أنا وأولاده جودي وياسين وبنته سارة كمان جتلنا يوم زيارة علشان منبعدش عنه، وصور الدور وبعدها رجعنا كان يوم شم النسيم”.

آخر أيام وائل نور 

وأضافت غادة النجار: “الراحل مكنش بيقدر يبعد عننا كتير لأني معايا أطفال وكمان كنت حامل في حمزة، وبعدها سافر الإسكندرية علشان كان عنده مسرح وأنا ماقدرتش أسافر معاه علشان بعد شم النسيم كان فيه مدرسة، وتوفي يوم شم النسيم 2 مايو، وأنا وقتها حاولت الوصول إليه تليفونيا ولكنه لم يستجب لمكالماتي وحاولت الوصول إلى مساعده الخاص والسائق وطلبت من أصدقائه أن يكسروا باب الشقة، وفوجئنا إنه فارق الحياة بسكتة قلبية، وقبل ما يتوفى كان بيقول لي أول ما نرجع من السفر لازم تولدي حمزة عندي حب استطلاع أشوف شكله إيه وهو اللي مسميه حمزة وكان راجل جدع وشبراوي وأصيل في كل المميزات اللي تتقال في أي راجل وأفتقدته وشهادتي مجروحة فيه”.

وتابعت غادة النجار: حمزة اتولد بعد وفاته يوم 11 مايو مكنتش أقدر أسيب الجنين أكتر من كدا لأنه كان هيموت في بطني من الحزن مكنتش أقدر أستنى كان لازم أولد ليجرالي حاجة وأولادنا الخمسة الحمدالله صالحين واللي خلف مماتش". 

ونقدم لكم من خلال موقع (كلمتك)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.